xB
Framsókn í Reykjavík
← Til baka á forsíðu
Stefnuskrá Framsóknar í Reykjavík

Þetta snýst um fólkið í borginni

01

Þetta snýst um börnin

Framsókn vill að Reykjavíkurborg setji hagsmuni barna ávallt í fyrsta sæti.

Framsókn ætlar að
  • 01Koma á fót fjölskyldumiðstöð sem þjónustar börn og barnafjölskyldur og einfaldar samskipti við borgina.
  • 02Innleiða farsældarlögin betur inn í allt starf borgarinnar og tryggja börnum snemmtækan stuðning.
  • 03Gera Reykjavíkurborg að þátttakanda í verkefninu Barnvænt sveitarfélag á vegum UNICEF, með það að markmiði að styrkja réttindi og velferð barna.
  • 04Bjóða börnum 18 ára og yngri frítt í sund.
  • 05Bjóða grunn- og framhaldsskólanemum gjaldfrjálst í Strætó.
  • 06Endurnýja leikvelli, með sérstakri áherslu á bætt aðgengi og skemmtilegra leikumhverfi.
  • 07Efla barnaverndarþjónustu og úrræði barnaverndar.
0–6 ára
  • 01Eyða biðlistum eftir leikskólaplássum og fjölga leikskólum.
  • 02Mæta fjölskyldum betur með auknum sveigjanleika í þjónustu leikskóla.
  • 03Bæta viðhald og aðbúnað í leikskólum.
  • 04Styðja fjölbreytt rekstrarform, svo sem dagforeldra og fyrirtæki sem vilja opna leikskóla eða daggæslu.
  • 05Jafna greiðslur foreldra fyrir leikskóla og dagforeldra frá 12 mánaða aldri.
  • 06Bjóða heimgreiðslur fyrir börn sem bíða eftir dagvistun.
  • 07Styðja við opnun opinna leikskóla í öllum hverfum fyrir börn og foreldra í fæðingarorlofi.
  • 08Koma á systkina- og hverfisforgangi í leikskóla.
  • 09Efla íslenskukennslu starfsfólks og setja skýr viðmið um íslenskukunnáttu.
  • 10Fjölga leikskólakennurum og leikskólaliðum í samstarfi við ríkið.
  • 11Bæta starfsaðstæður barna og starfsfólks, meðal annars með því að bæta loftgæði, hljóðvist, birtu og öryggi.
  • 12Auka samstarf ungbarnaverndar og félagsþjónustu fyrir börn og foreldra þeirra í samstarfi við ríkið.
Grunnskólar
  • 01Veita börnum framúrskarandi menntun í grunnskólum borgarinnar sem stuðlar að því að þau geti nýtt hæfileika sína til fulls og undirbýr þau fyrir framtíðina.
  • 02Tryggja gott húsnæði, heilnæman skólamat og öryggi í grunnskólum.
  • 03Taka upp samræmt námsmat í öllum árgöngum.
  • 04Innleiða símafrí í grunnskólum.
  • 05Koma á námsverum fyrir nemendur sem þurfa á stuðningi að halda í alla grunnskóla og fjölga einhverfudeildum.
  • 06Tryggja að börn með náms- eða hegðunarerfiðleika fái þjónustu í sínum skóla.
  • 07Veita sérfræðiþjónustu, líkt og sálfræðiþjónustu, í skólum.
  • 08Innleiða jákvæða sálfræði og núvitundarkennslu í grunnskóla til að auka seiglu og kenna börnum að draga úr álagi.
  • 09Efla íslenskukennslu barna af erlendum uppruna og opna íslenskuver fyrir börn í 1.–10. bekk í öllum grunnskólum.
  • 10Styðja við heimanámsaðstoð.
  • 11Bjóða foreldrum af erlendum uppruna ókeypis íslenskunámskeið í skólum borgarinnar.
  • 12Efla stuðning við skólastjórnendur og kennara.
  • 13Bæta námsgagnakost grunnskóla í samstarfi við ríkið.
  • 14Bæta aðgengi í eldri skólum og tryggja að við hönnun nýrra skóla sé aðgengi í fyrir öll börn.
  • 15Styrkja list- og verkgreinakennslu og aðstöðu til útináms.
Frístundir
  • 01Bjóða upp á eina fría frístund fyrir 5–18 ára á ári og bjóða viðbótarstyrk fyrir börn tekjulágra foreldra.
  • 02Draga úr skutli barna í 1.–4. bekk í frístundir með því að styðja íþróttafélög til að bjóða upp á frístundaakstur.
  • 03Efla félagsmiðstöðvar, sérstaklega fyrir 10–12 ára, og fjölga ungmennahúsum fyrir 16–30 ára.
  • 04Tryggja opnun og mönnun frístundaheimila 1.–4. bekkjar til kl. 17:00.
  • 05Fjölga sumarnámskeiðum og plássum í sumarfrístund svo öll börn komist að.
  • 06Tryggja áframhaldandi rekstur og eflingu flakkandi félagsmiðstöðvar í samstarfi við ríkið.
  • 07Veita Reykjavíkurráði ungmenna launaðan áheyrnarfulltrúa með tillögurétt í nefndum og ráðum borgarinnar til að auka aðgengi barna að ákvörðunartöku borgarinnar.
  • 08Stöndum vörð um hinsegin félagsmiðstöðina.
02

Þetta snýst um eldra fólk

Framsókn vill að það sé gott að eldast í Reykjavík.

Framsókn ætlar að
  • 01Bjóða 60.000 kr. frístundastyrk fyrir tekjulágt eldra fólk með það að markmiði að styðja við virkni og heilsueflingu.
  • 02Auka fjölbreytni og aðgengi að frístunda- og tómstundastarfi fyrir eldra fólk og ráðast í aðgerðir til þess að vinna gegn félagslegri einangrun og einmanaleika.
  • 03Semja við hverfisíþróttafélögin um að halda úti íþróttastarfi fyrir eldra fólk.
  • 04Auka og bæta úrræði og stuðning við eldra fólk þannig að það geti búið sem lengst heima.
  • 05Skipa tengilið sem heldur utan um mál eldra fólks sem þarf aukna þjónustu borgarinnar í samstarfi við ríkið.
  • 06Efla samþættingu á heimaþjónustu og heimahjúkrun.
  • 07Fjölga valkostum í matarþjónustu og bæta akstursþjónustu eldra fólks.
  • 08Fjölga dagdvalarrýmum og bæta aðgengi að endurhæfingu og sérfræðiþjónustu í samstarfi við heilsugæsluna.
  • 09Efla velferðartækni og stafræna hæfni eldra fólks.
  • 10Vinna gegn ofbeldi í garð eldra fólks með aukinni fræðslu og vitundarvakningu.
  • 11Fjölga bekkjum í borgarrýminu og bæta gönguleiðir í borginni í samráði við eldra fólk.
  • 12Koma aftur á fót virku öldungaráði.
03

Þetta snýst um heimili

Byggjum meira, fjölbreyttara og fallegra húsnæði. Tryggjum borgarbúum þak yfir höfuðið.

Framsókn ætlar að
  • 01Auka lóðaframboð og tryggja að til séu skipulagðar og byggingarhæfar lóðir fyrir allt að 3.000 íbúðir á hverjum tíma.
  • 02Lækka álögur vegna uppbyggingar á bílakjallara og afnema kröfur um fjölda bílastæða við heimili fólks.
  • 03Byggja íbúðir sem mæta þörfum borgarbúa, með góðri birtu, grænum svæðum og að lágmarki einu bílastæði á hverja íbúð.
  • 04Byggja upp ný hverfi, meðal annars á Keldum, Geldinganesi og í Úlfarsárdal.
  • 05Vernda græn svæði og þétta eingöngu byggð þar sem það er skynsamlegt, en alltaf með hliðsjón af innviðum og í sátt við nærsamfélagið.
  • 06Tryggja að innviðir byggist upp samhliða nýjum hverfum.
  • 07Bæta samskipti við uppbyggingaraðila og auka skilvirkni og gagnsæi í stjórnsýslu.
  • 08Styðja uppbyggingu leigumarkaðar í gegnum óhagnaðardrifin leigufélög.
  • 09Tryggja að áfram verði 5% nýrra íbúða félagslegar.
  • 10Fjölga búsetuúrræðum fyrir heimilislaust fólk og fólki sem kemur úr meðferð eða afplánun.
  • 11Eyða biðlistum eftir búsetuúrræðum fyrir fólk með fötlun.
  • 12Byggja fleiri lífsgæða- og þjónustukjarna fyrir eldra fólk.
  • 13Gæta að því að gjaldskrár borgarinnar leiði ekki til óhóflegrar hækkunar á húsnæðisverði.
04

Þetta snýst um að komast á milli staða

Framsókn vill að samgöngur í borginni séu skilvirkar og öruggar og að fólk hafi valfrelsi um ferðamáta.

Framsókn ætlar að
  • 01Tryggja framgang Samgöngusáttmálans, en vill breyta útfærslu vegna Borgarlínu við Suðurlandsbraut.
  • 02Hraða uppbyggingu Sundabrautar.
  • 03Bæta umferðarflæði og umferðarljósastýringu.
  • 04Knýja á um hröðun mislægra gatnamóta við Bústaðaveg og Reykjanesbraut.
  • 05Efla almenningssamgöngur með sérakreinum, bættu leiðarkerfi, góðum strætóskýlum og tíðari ferðum.
  • 06Byggja upp örugga göngu- og hjólastíga.
  • 07Tryggja bílastæði við nýjar íbúðir og gott aðgengi að P-stæðum í borginni.
  • 08Standa við samkomulag um rekstur Reykjavíkurflugvallar sem kveður á um að flugvöllurinn verði í Vatnsmýrinni þar til að annar jafn góður eða betri staður hefur verið fundinn.
  • 09Fella niður gjaldskyldu við bílastæði í miðborginni eftir klukkan 18:00.
  • 10Lækka gjöld í almenningssamgöngur fyrir háskólanema.
  • 11Fjölga rafhleðslustöðvum við bílastæði borgarinnar, svo sem við grunnskóla.
  • 12Tengja Gufunesbyggð við almenningssamgöngur.
05

Þetta snýst um menninguna

Reykjavík á að vera lifandi menningarborg þar sem listir og skapandi greinar þrífast í öllum hverfum.

Framsókn ætlar að
  • 01Styðja betur við tónlistarskóla og bæta aðgengi barna að tónlistarnámi.
  • 02Efla bókasöfn sem menningarmiðstöðvar í öllum hverfum.
  • 03Fjölga tækifærum ungs fólks í skapandi greinum, meðal annars með ungmennahúsi í miðborginni og fleiri skapandi sumarstörfum.
  • 04Efla menningar- og listahátíðir og fjölga fjölskylduhátíðum í hverfum borgarinnar.
  • 05Koma upp æfingaraðstöðu fyrir grasrótartónlist.
  • 06Efla Fjölskyldu- og húsdýragarðinn og skoða hvort hægt sé að styrkja hann sem skemmtigarð í samvinnu við einkaaðila.
  • 07Gera Reykjavík að jólaborg með jólaþorpi í miðborginni og auknum skreytingum í öllum hverfum borgarinnar.
  • 08Fjölga viðburðum í sundlaugum borgarinnar.
06

Þetta snýst um velferð fólks

Framsókn vill að velferðarþjónusta borgarinnar sé aðgengileg, mannleg og virki — fyrir öll.

Virkni og vellíðan
  • 01Koma á fót virknimiðstöð sem einfaldar velferðarþjónustu við fullorðna einstaklinga.
  • 02Styðja betur við ungt fólk utan skóla og vinnu með fjölgun virkniúrræða.
  • 03Standa vörð um mannréttindi og vinna gegn fordómum.
  • 04Ráðast í aðgerðir gegn einmanaleika.
  • 05Lengja opnunartíma og auka notkun samfélagshúsa fyrir alla aldurshópa.
  • 06Koma á fót verkefnum eins og hálendishópurinn fyrir börn í áhættuhegðun.
  • 07Tryggja réttindi fatlaðs fólks, virkni og þátttöku þeirra í samfélaginu.
  • 08Styðja við aðlögun og þátttöku fólks af erlendum uppruna.
  • 09Styðja betur við fólk sem er að koma úr meðferð og afplánun.
Lýðheilsa og íþróttir
  • 01Setja lýðheilsu og forvarnir í forgang og vinna áfram að því að verða heilsueflandi samfélag.
  • 02Halda áfram öflugu viðhaldi íþróttamannvirkja og uppbyggingu nýrrar aðstöðu fyrir börn og ungmenni í öllum hverfum borgarinnar.
  • 03Tryggja að þjóðarhöll rísi í Reykjavík og að Laugardalsvöllur sé þjóðarleikvangur í knattspyrnu.
  • 04Lengja opnunartíma sundlauga til 22:00 alla daga ásamt því að endurvekja miðnæturopnun á fimmtudögum.
  • 05Byggja nýja sundlaug í Fossvogi í samvinnu við Kópavog.
  • 06Skipuleggja nýjan golfvöll og golfaðstöðu á næsta kjörtímabili í samvinnu við golfklúbba.
  • 07Tryggja að Víðidalur verði áfram miðstöð hestamennsku innan borgarmarkanna.
  • 08Styðja betur við jaðaríþróttir og fjölbreyttari hreyfingu.
  • 09Bæta aðstöðu til skíðaiðkunar, bæði í Skálafelli, Bláfjöllum og í nýjum vetrargarði í Seljahverfi.
  • 10Koma upp saunu við ylströndina í Nauthólsvík.
07

Þetta snýst um atvinnulífið

Reykjavík á að vera höfuðborg atvinnulífsins á Íslandi. Framsókn ætlar að tryggja fyrirtækjum góð rekstrarskilyrði með skilvirkri, lausnamiðaðri og styðjandi stjórnsýslu.

Framsókn ætlar að
  • 01Lækka fasteignagjöld á atvinnuhúsnæði og tryggja lóðir fyrir fjölbreyttan atvinnurekstur.
  • 02Einfalda leyfisveitingar, stytta boðleiðir og setja skýr tímamörk á afgreiðslu mála.
  • 03Draga úr flóknu regluverki og auðvelda stofnun fyrirtækja.
  • 04Efla samstarf við atvinnulífið og bæta upplýsingagjöf vegna framkvæmda.
  • 05Styðja frumkvöðla-, nýsköpunar- og þróunarfyrirtæki t.a.m. með aðstöðu og ráðgjöf.
  • 06Byggja áfram upp nýsköpunar- og vísindasamfélagið í Vatnsmýri.
  • 07Styrkja Reykjavík sem ferðamannastað á heimsmælikvarða.
  • 08Sérmerkja sleppistæði fyrir sendla og vörudreifingu til íbúa í miðborginni.
08

Þetta snýst um hverfin

Framsókn vill sterk hverfi þar sem íbúar hafa góða þjónustu nálægt sér, öflug samfélög og raunveruleg áhrif á sitt nærumhverfi.

Framsókn ætlar að
  • 01Bæta aðgengi að grunnþjónustu í hverfum, meðal annars með því að heimila matvöruverslun við Úlfarsárdal.
  • 02Auka íbúalýðræði með endurvakningu íbúaráða í nánari samvinnu við íbúasamtök.
  • 03Koma á fót árlegum hverfishátíðum í öllum hverfum borgarinnar.
  • 04Fegra úthverfin, bæta viðhald almenningsrýma og fjölga sumarblómum.
09

Þetta snýst um umhverfið og græn svæði

Hrein, falleg og græn borg þar sem útivist og náttúra eru aðgengileg öllum.

Framsókn ætlar að
  • 01Tryggja hreina borg þar sem stígar eru ruddir, götur hreinsaðar og sorp hirt reglulega.
  • 02Kaupa ryksugubíla til að sjúga upp fínasta svifrykið af götum borgarinnar.
  • 03Hlúa að grænum svæðum og bæta útivistaraðstöðu almennings.
  • 04Fjölga matjurtagörðum og gróðurhúsum við leik- og grunnskóla og samfélagshús.
  • 05Stefna að kolefnishlutlausri borg og gera Reykjavík leiðandi í hringrásarhagkerfinu.
  • 06Taka til í geymslum borgarinnar og losa þannig um húsnæði til annarrar notkunar.
  • 07Tryggja jafnvægi milli öruggrar vatnstöku og aðgengis almennings að útivist í Heiðmörk.
10

Þetta snýst um öryggi

Örugg borg þar sem íbúar finna sig örugga á heimili sínu, í hverfinu og í miðborginni.

Framsókn ætlar að
  • 01Auka öryggi íbúa með öflugra samstarfi við lögreglu í hverfum borgarinnar.
  • 02Fara í aðgerðir til að sporna við ofbeldi gegn börnum.
  • 03Auka fræðslu um stafrænt ofbeldi.
  • 04Tryggja að miðborgin sé örugg, bæði að degi og nóttu.
  • 05Gæta þess að skemmtanalíf raski ekki lífsgæðum íbúa í miðborginni í samstarfi við rekstraraðila í miðborginni.
  • 06Efla netöryggi í innra starfi borgarinnar.
  • 07Bæta lýsingu og eftirlit í bílastæðahúsum.
11

Þetta snýst um að forgangsraða rétt

Forgangsröðum fjármunum borgarinnar í þágu þeirra sem treysta á þjónustu hennar.

Framsókn ætlar að
  • 01Forgangsraða fjármunum borgarinnar í þágu grunnþjónustu.
  • 02Einfalda miðlæga stjórnsýslu og bæta rekstur.
  • 03Standa vörð um þjónustu við börn, eldra fólk, fatlað fólk og aðra íbúa sem treysta á þjónustu borgarinnar.
12

Þetta snýst um vinnustaðinn Reykjavík

Reykjavíkurborg á að vera eftirsóttur vinnustaður — þar sem fagfólk er metið að verðleikum og þjónusta við íbúa er í fyrsta sæti.

Framsókn ætlar að
  • 01Setja þjónustu við íbúa ávallt í fyrsta sæti.
  • 02Efla forystu og stjórnun innan borgarinnar.
  • 03Tryggja að stjórnskipulag og ferlar borgarinnar séu nútímalegir, skilvirkir og skýrir.
  • 04Bæta starfsumhverfi og öryggi borgarstarfsfólks svo því líði vel í starfi og sé stolt af vinnu sinni.
  • 05Auka stuðning við fagfólk og stjórnendur til að efla starfsánægju og bæta þjónustu við íbúa.
  • 06Tryggja að fagleg og fjárhagsleg ábyrgð fari saman þannig að betur sé farið með almannafé.
  • 07Efla samvinnu í borgarstjórn og byggja upp traust með ábyrgri forystu.
  • 08Fjölga atvinnutækifærum fyrir fatlað fólk hjá Reykjavíkurborg.
  • 09Innleiða gervigreind markvisst í starfsemi borgarinnar til að nýta betur fjármagn og mannauð borgarinnar.